Конзумирањето на здрава исхрана за време на бременоста е многу важно бидејќи од сега па натаму, ќе јадете за двајца наместо за еден! Значи, во текот на овој период на вашето тело му се потребни дополнителни хранливи материи, витамини и минерали.
Но, ова не е изговор за прејадување со чоколадо и бонбони! Лошите навики во исхраната и вишокот на тежина можат да ги зголемат шансите за развој на гестациски дијабетес, компликации во бременост или при пораѓајот, па дури и негативно да влијаат на развојот на вашето дете. Значи, да се избере здрава исхрана во текот на бременост е многу важно и за вас и за вашето бебе.
Ако сакате да ги подобрите вашите навики за јадење во бременоста, прочитајте!
зелен зеленчук
Брокулата и темниот зелен зеленчук, како што се ќељ и спанаќ, содржат многу хранливи материи што им се потребни на бремените жени. Тие се богати со растителни влакна, витамин Ц, витамин К, витамин А, калциум, железо, фолати, калиум, како и со антиоксиданти. Содржат и растителни соединенија кои влијаат и го подигаат имунолошкиот и дигестивниот систем.
Бидејќи содржат многу влакна, овие зеленчуци исто така можат да помогнат во превенција на запек – што е чест симптом во текот на бременоста.
Високото присуство на витаминот Ц во овие зеленчуци, му помага на телото да го апсорбира железо кога се наоѓа во храна богата со железо, како на пример интегрални тестенини од пченица или кафеав ориз.
див лосос
Лососот е значително богат со есенцијални омега-3 масни киселини. Повеќето луѓе, особено бремените жени, не внесуваат доволно омега-3 во исхраната, иако е неопходен за нивните тела.
Долгиот синџир од омега-3 масните киселини DHA и EPA е особено важен за организмот и тоа од повеќе причини:
- Телото не може да ги создаде самостојно.
- Му помагаат на метаболизмот кај витамините растворливи во масти како што се А и Е.
- Помогнат да се намали ризикот од пренатална депресија.
- Клучни се за развојот на очите и мозокот на вашето бебе (и мозокот и мрежницата првенствено се составени од DHA).
- Тие се добар извор на јод.
Загрижени сте заради труење со жива? Лососот е всушност безбеден избор на морска храна во текот на бременоста. Всушност, здраво е да имате од 2-3 порции неделно. Сардините и харингите се исто така добар избор за бремени жени.
млечни ПРОИЗВОДИ
На вашето бебе му требаат доволни резерви на калциум за развој на коските додека расте. Покрај ова, како бремена жена, во вашата исхрана потребно ви е повеќе калциум за да ги одржувате вашите коски цврсти и да помагате во работата на нервите и мускулите. Токму поради тоа вашата исхрана треба да содржи дополнителни протеини и калциум за да ги издржат промените во вашето тело, како и растот на вашето бебе.
Јогуртот (особено грчкиот јогурт) е исклучително добар за бремени жени бидејќи содржи повеќе калциум од останатите млечни производи. Уште повеќе, некои видови содржат и пробиотички бактерии, кои го поддржуваат дигестивниот систем.
Дури и жените нетолерантни на лактоза, можат да го конзумираат пробиотскиот јогурт.
Пробиотскиот додаток за време на бременоста исто така може да го намали и ризикот од компликации како што се прееклампсија, гестациски дијабетес, вагинални инфекции, па дури и некои алергии. Сепак, имајте предвид дека пробиотиците за време на бременоста не се декларирани како сосема безбедни, затоа ве молиме консултирајте се со вашиот лекар пред само-лекување.
јајца
Јајцата се всушност меѓу најхранливите извори на храна на планетата! Големото јајце содржи 77 калории и е богато со протеини и маснотии, а содржи и мноштво од здрави витамини и минерали.
Исто така, јајцата се одличен извор на холин. Холинот е неопходен за многу процеси во вашето тело, вклучително и развојот на мозокот и здравјето. Нискиот внес на холин за време на бременоста може да го зголеми ризикот од оштетувања на невралната туба и евентуално да доведе до намалена мозочна функција кај фетусот.
Едно цело јајце содржи приближно 113 мг холин, што е околу 25% од препорачаната дневна доза за бремени жени.
Јајцата се исто така добар извор и на витамин Д, кој игра важна улога и му помага на калциумот при изградбата на цврсти коски и заби на вашето бебе, а воедно го одржува имунолошкиот систем во борбена форма. Дополнително, доброто обезбедување со витамин Д може да го намали ризикот од гестациски дијабетес, прееклампсија и мала родилна тежина.
посно месо
Говедското и пилешкото месо се добри извори на високо-квалитетни протеини. Говедското месо е богато со железо, холин и други витамини од групата Б – се она што е потребно во поголеми количини за време на бременоста.
Аминокиселините во протеините се градежни блокови на секоја клетка и во вашето тело и кај вашето бебе. Храната богата со протеини, исто така, го одржува вашиот глад, стабилизирајќи го шеќерот во крвта.
Покрај тоа што е богато со протеини, тоа е исто така богато и со железо, кое е клучно за да му помогне на вашето бебе да развие доволни количини на црвени крвни клетки, како и да го поддржи вашите! Железото воедно игра улога во развојот на мозокот кај бебето.
Оттука, посното месо е едно од најдобрите јадења за време на бременоста.
мешунки
Мешунките вклучуваат: леќа, грашок, грав, наут, соја и кикирики. Тие се одличен извор на растителни влакна, протеини, железо, фолати (Б9) и калциум – се што му е повеќе од потребно на вашето тело за време на бременоста!
Фолатот е еден од витамините Б (Б9) важен за здравјето на мајката и фетусот (особено за време на првото тромесечје). Недостатокот од фолат е поврзан со зголемен ризик од оштетување на невралната туба и мала родилна тежина. Покрај ова, недоволниот внес на фолати може да предизвика вашето дете подоцна во животот да биде склоно кон инфекции и болести.
Мешунките содржат големи количини на фолати. Една чаша леќа, наут или црн грав може да обезбеди 65-90% од препорачаната дневна доза. Воедно, мешунките се богати и со растителни влакна. Некои мешункасти сорти се богати и со железо, магнезиум и калиум.
Алтернативно, земањето Б9 (фолна киселина) е важно за да се избегне недостаток и неговите последици!
Ако сакате да дознаете повеќе интересни факти за зачнувањето, бременоста и пошироко, проверете ги нашите најнови блогови!
